فكرك إنو هيدا ..ليث يعني , وفكرك محمود ..يعني عن جد محمود , أو مثلا هيثم ..يعني هوي هيثم فعلا ..أو هادا الشب ..ضيغم مثلا ..فكرك هوي ضيغم ..لا ضيغم ولا مين جاب أخبارو !!
يعني هيك بيوحي .
لا يا خيي , هادا إسمو
خود جارنا خالد ...من سنة مات , كيف خالد !!؟
عمرك شفتو لعبّاس ..إلا ضحكان , وكريم عمرو عزمك عالعشا يا خيي ..ما عم نحكي عالغدا , وسلمان عمرك شفتو سلمان ..
خود مثلا :
فرحان بلبل .. يعني بظن ما في حدا زعلان بكل الحركة المسرحية قدو .
أو أسعد حردان ..عمرك شفتو حردان , يا خيي رضيان كتير رضيان وخاصة إذا أخدوه عالوزارة , راح يكون فرطان من كتر مانو رضيان.
خود مثلا عقاب صقر ..يعني هالشب الناعم تخيل يكون عقاب ..لأ وصقر !!
أو شريفة فاضل ..عن جد شريفة ..وفاضل !!

يعني مو لكل امرىء من اسمه نصيب .
أيا نصيب ...لا نصيب أبدا , نحنا ما ممكن نصيب
...بينغش الواحد أحيانا بالإسم
بالإسم !!!
يا خيي..وبالحرف وبالهمزة وباسم الفاعل والمفعول وبالصفة المشبهة بالإسم وبالجار والمجرور وبالمفعول فيه ومعه..حتى بجمع التكسير ..
وين رايح إنت ؟
خلص ..اقتنعت ..حل عني , بالفعل إنت غير محمول.
بالفعل ...بالفعل ..عراسي أصلك .