خدّش كهربا يضوي

الحكومة تعلن عن استعدادها لشراء الطاقة ..مهما كان مصدرها من الشمس من الهواء من القمر..من خد حبيبة ذياب مشهور وإن كان هذا الأخير استطاعته ضعيفة 12 واط.. إذ أن ( خدش كهربا يضوي ...نمرة اطناعش قنديلي ..يا نمنم خانم قلبي نار....

وزير الكهرباء يؤكد :أن هذا ليس تقنينا ..طبعا ..لحتى يكون فيه تقنين لازم يكون فيه كهربا بالأول!!
الكهرباء تنقطع عن جلسة لمجلس الشعب ..الشعب يصرح: بيستاهلو...بس عنا بتنقطع الكهربا..

أصحاب المصاعد...يصعدون الدرج ثلاثا..ويستغنون عن وصفات الريجيم..
الخسائر الناجمة عن انقطاع التيار الكهربائي..تقدر بالملايين ..ما يكفي لبناء محطة توليد كاملة..
مهندس سوري يحصل على براءة اختراع بتوليد الكهرباء من البحر..
مسؤول في الكهربا:ليك شو رايق هالخال ..من مواج البحر..ويغني: شلحت شالا فوك البحر...الهايج هديت موجاتو
مواطن يعلق: على هالحالة راح يطلع عنا مخترعين كتير...
ليش ما بيركبوا عنفة على النواعير...دايرة عالفاضي ..لأ وبتعن كمان..هيك بتصير تعن وتولّد...

الأحراش ترفع شعار :إزرع ولا تقطع..
وزارة الكهرباء ترد عليها بشعار :إقطع ولا تفزع..
العنفة الثالثة في محطة توليد بانياس تدخن...يبدو الصيانة اللي ضلت سنتين مو ظابطة.
العنفة الثانية ترمقها بنظرة :عقبال ما تحششي ...يا مغنجة ..العمى شو ممحونة الحمل كلو عليي.
الماء ..والكهرباء...شو بعد فيه؟
بسيطة...الهواء.
ربحت معنا...بتحب إتابع ...
إي بتابع...الدواء..الغلاء...السماء...البكاء...
له له ...هيك خسرت.

يانواعير حماة وهواء حمص ويا أمواج البحر ,يا بصبوص الليل والأسماك الكهربية ويا برق السماء...
أغيثونا...