يوميات طفرانة

 

 

لفترة قريبةكنت مقتنع انو نحنا اللي شاطرين بالمشي على حافة الهاوية.....

يبدو الآخرين بارعين بنصب الهاوية على حافة أقدامنا

 

 

بكرا شمس ...الآن عملت صلاة الاستشماس

 

سيارة مفخخة ....على منهج النبوة

 

 

كان اخو رفيقي عبد الله لما كان ظغير يسميه عض الله
...مو كفرا  ...ظغير الزلمي شو بيعمل ...
بس الملك شكلو الله عضو مو هوي عض الله ,شكلها كل القصة معاضضة لا اكتر ولا اقل .

 

هلق طال عمرو ...مات ..؟؟

 

 

مين عمرو سمع انو 90% من شعب كامل نجار
.خوازيق

 

 

اللهم اني أسألك رد القضاء

لا اللطف فيه

 

 

فكر بغيرك ........اوغير بفكرك

 

 

من حفر نفقا لأخيه ...التعن اللي نفضو فيه

 

 

الجزيرة :هذا والجدير ذكره ان داعش يسيطرعلى 95 الف كيلو مترا مربعا من سورية ....
.........هذا و المساحة التي يسيطر عليها وضاح يوسف في الربع الخالي بلغت 650 الف كم مربع .........
؟!هل من يثبت العكس

 

 

مغامرات محسوبة ...ان شالله ما تكون محسوبة ...غلط

 

 

اذا وحدة من الجيش هيك عمتدك اوكار كيف واحد

 

 

اي انا "النظام" بعز حالاتو وانفتاحو كنت شايفو متخلف ورجعي ...كيف انتو يا أولاد الزانية

 

 

انت وجداني ...انت غريب ...الاحداث بتزيد وجدانيتك .. وغربتك

 

 

التحليل السياسي مثل تحليل المخابر الطبية ... لا مكان فيه للمشاعر والعواطف والرغبات ....اذا عملت في التحليل لا تعمل في التخليل .

 

ما بعرف مين قال قطع الاعناق ولا قطع الارزاق ...بس الشباب الطيبة ما شاء الله بيشتغلو جملة ........
.......اعناق وارزاق الحمد لله .

 

شامم فيكن ريحة داعش..شاااامم فيكن ريحة داعش...
...(بتصرف)

 

بتزعلو مني متل ما بدكن ....
.وصل حزني بالعمق التاريخي حتى على تماثيل اللات والعزى والهبل الاكبر ...بظن كانت لتكون احلى أثار حضارية على وجه الارض ...وهبل أعلم .

 

 

 

إضافة تعليق جديد