طريق عيتيت

أغنية من التراث اللبناني أدتها قطعة النرجس “مي نصر” في إحدى حفلاتها في سورية (وصدقوني اللي ما سمعها راح كتير عليه):::

على طريق عيتيت يمّي قطعو صلاتي
واحد حبيب الروح يمّي وواحد حياتي

ودّعوني وراحو يمّي صوب النبطية
وقالو شو هم نموت يمّي وتبقى القضية

ويا ريت عيني نهر يمي وشرّبون منو
ويا ريت جسمي جسر يمي وقطّعون عنو

وبينن صارو ع تليت يمّي كتبتّلك أشواقي
بترابات الجنوب يمّي أنا ورفاقي

ونحنا شفنا العذاب يمّي ودقنا حلاتو
ويللي نسي أرضو يمّي يعدم حياتو

وعلى طريق عيتيت يمّي قطعو صلاتي
واحد حبيب الروح يمّي وواحد حياتي