البس بدلتك وأشترى جزمتك

معرض للجزم بالنادى المصرى
بعد أن تم أخلاء النادى المصرى من النشاط
وبعد أن أنحرق دم أعضاء النادى وولع وشاط
وبعد أن أصبح النادى العريق يتباع فيه أمشاط وفلايات
وبعد البحث عن نشاط ليخرج به النادى لعصر الفضائيات
بعد كل ذالك قررالنادى المصرى عمل معرض جزم وشربات
وفى أجتماع عام ودعوه .. كان فيها الكلام على الجرحى
وفى وسط الزحام وبدون سلام جمهورى .. وبدون فرحه
أنخلعت ألأحذيه من السيقان وأرتفعت بين الحيطان
معلنة عن بدأ افتتاع معرض أحذية القرصان
وأتفرج ياسلام أمامك جوز بنى دافع تمنه من زمان
وجوز نبيتى .. ماركة الواد العفريتى
وجوز رمادى .. ماركة الحلو مش فاضى
وجوز أبيض ماركة حلو وكداب وبيدخل من تحت الباب
وأنظر فوق تجد جوز بيلمع وكله خفه وذوق
وأنظر يميين تلاقى جوز بالفعل متين
وجوز طاير وله جناحيين زى الدبابير
وجوز بيلمع وكأنه بيقول النصيب لمين
وجوز شمواه وبيتلبس ويتقلع على هواه
وجوز موودل الفين خفه ودلع وعليه العين
وجوز بتنجانى لوحده عارف طريقه يامعجبانى
وكمان فيه ركن للشربات موجود على الأرضيات
النادى عمل معرض جزم وشربات ضرب به كل النشاطات
فلقد أفلس النادى من النشاط ولم يجد سوى الجزم والشربات
وسمعنى ياوحيد على انغام العندليب الشتائم على لحن جديد
وطاير طاير وفى الهوى داير وكله فى الهوا طاير
ومن هنا جوز ومن هناك جوز وكله منقول على البلوتوز
ومساء الفل يابو سعدون وابعد جزمتك عن الهدوم
ولا كرسى معسل ولا كرسى سلوم الجزم هى اللى بدوم
ولا تقولى نادى ولا اتحاد عندنا جزم ماركة اللى فات مات
ولا أهلى ولا زمالك امتلك جزمه تحفظ رجلك من المهالك
بلا نشاط بلا أستعباط عندنا جزم تناسب الشربات
وأتفرج ياسلام على جوز جزمه كمان فيه رباط امان
وعندك جوز لميع ماركة أبو الهول السميع
وعندك جوز ايطالى وتمنه فيه ياغالى
وعند جوز جزم صينى ريحته فى مناخيرى
وعندك جوز بط والشراب فيه بيتمط
النادى المصرى بيعلن عن مجموعة جزم جديده ماركة أبو حديده
مبروك نشاط النادى الجديد فى عرض جزم من نوع شديد
ونتمنى ان العرض القادم يكون فيه تنويع علشان التوزيع
طالما ان النادى اصبح بدون نشاط طوال العام
أنا بقول نشاط رفع الجزم نشاط جديد ونغنى معاه الليله عيد
وبعد كده قال أيه الناس الغيرانا والتعبانه
بيقولو دى كانت خناقه وماكنش نشاط
ودليلهم أن الجزم كانت فى الأيد وليس فى عربانه
ناس صحيح بتاعة أشاعات وقاعدين دايما جنب السماعات
ياناس حرام عليكم وسيبو النادى فى حاله مش كفايه حاله مايل
ومات نشاطه وأتحل رباطه وهرب أعضاءه
النادى أصبح عزاه الوحيد أنه من الماضى البعيد
وألأن ليس له دور أو نشاط غير معرض الجزم الأخير