سعيد عقل -مختارات
فتحهن علي
فتحهن علي القمر شو إلو
هول ألف غنيي عيونك يا حلو
جابتلي العصفورة علبي فيها لعب
يوقعوا بجورا بنت و صبي دهب
و اسأل أنا قلبى كيف الدنيي بزورا
تبكي و عا العلبي تغمز العصفورة
صحيح رح حبك خبيلك وخبي
و ما يوجعك قلبك لأ يوجعك قلبي
إلك أنا و من هالورد يسألك
شو الزهر يفنى الزهر أبقى أنا إلك
مشوار
مين قال حاكيتو و حاكاني عا درب مدرستي
كانت عم تشتي و لولا وقفت رنخت فستاني
و شو هم كنا صغار و مشوار رافقتو أنا مشوار
و قالوا شلحلي ورد عا تختي و شباكنا بعلا
و شو عرفو أيا تختي أنا و أيا تخت أختي
بيلفقوا أخبار و مشوار يا عيوني مرق مشوار
و قالوا غمرني مرتين و شد شوف الكذب لوين
مرا منيح اتنين؟ و لا ردتو إيدي و لا هو أرتد
شو بيفضحو ا أسرار و مشوار شفتو و ما رجع مشوار
كذبوا مين بيقول كذبوا مين كذبوا مين بيقول كذبوا مين
امبارح بنومي بصرت اني عازندو طرت و الأرض مفروشة كلا ياسمين
إن صح الحلم شو صار و مشوار جينا عالدني مشوار
يارا
يارا
يارا الجدايلها شقر
الفيهن بيتمرجح عمر
و كل نجمة تبوح بسرارا … يارا
يارا الغفى عا زندا خيا الزغير
و ضلت تغني و الدني حدا تطير
و الرياح تدوزن وتارا … يارا
الحلوي الحلوايي تعبو زنودا
و نتفي اصفروا خدودا
و بإيدا نعست الأسوارة
و لمن إجت يارا تحط خيا بالسرير
تصلي يا ربي صيرو خيي كبير
و للسما ديها هاك الدين الحرير
انلمت الشمس و عبت زوارا
لمين الهدية
لمين الهديي اللي جبتا عشيي
فستان المطرز و بلوزة مخملي … لمين لمين
لمين الحراير لا تقولي
بمغازل الخاطر مشغولي
و بخبي و بخبي و يتعبني حبي
غنيي بقلبي و الهوى بعينيي
بأحلى المواسم مزروعة
عالصباح الحالم عم توعى
و أسوارة و عقودي للحلى مرصودة
و شريطة معقودة عالغرة العسلية
مرجوحه
بتمرجح بقلبك قلك أنا بحبك
قطف نجوم و قطف ازرعهن بدربك
قلك أنا بحبك أنا حبك
مرجوحتي تودي و شوف القمر حدي
تقلي انت لا تعلي قلك بعد بدي
شوف القمر حدي القمر حدي
يا حلو قلبك طاير فيي و أنتا طاير
شو بعمل تنرجعلو محسود منا و غاير
و قلبي هالملبك يسافر على دربك
و بخيال شي غنيي يقلك انا بحبك أنا حبك