مش هيدا المهم!

لأ...المهم كيف لصارت!

وشو الاسباب و الابعاد...

شو المسببات و الخلفيات (ليك هالكلمات)

شو التوجهات الكامنة (انتبه) وراء هالممارسات و الوقائع

لأ...نحنا هاممنا شو المخلفات و شو الذيووول!

شو الحيثيات و المؤشرات

و شو المعطيات و الحوافز

و شو التفاعلات والرواسب و الترسبات

و شو الافاق السياسية و المدى المنظور و القريب العاجل و الامكانيات المتاحة و التطورات

في التقلبات (وينك رايح)

 بالخطوات على ضوء معلومات (اجتنا) و النشاطات و الآليات (للتحركات)

و كلها بدا تأدي لاتصالات و مشاورات و لمحصلات و تسويات (طبعاً)

و مساومات و اجراءات (شو فكرك يعني)

و كلياتو هيدا كلو بحسب سلم اولويات (يعني شي فظيع)

و كل هولي الكلمات (انتبه) مع انو لا بينضهر ولا بينفات

كلن هولي لحالة واحدة ومشتركة بيناتنا كلنا سوا

و حالة خرااائية!

اسما : خرائية!

عالاذاعة بدو يضل اسما هوي زاتو

حالة خرائية...خُرائية!

بالضمة!

أبلغ يمكن!

زياد الرحباني