عيشة صعبة وما بتلذلّو
بيي جندي وأمي بتخبزلو
كلا موتة وموتة بتحرزلو

ما في جندي قادر يقدرلو
تيّس وأهلو كلن قتلو
هاي بلد بدّا مية متلو

ما في صعلوك وإلا معدّي
ما في جلبوط بيفهم قدّي
عدّي إن فيكي تعدي عدّي

عيشة صعبة وما بتلذلّو
بيي جندي وأمي بتخبزلو
كلا موتة وموتة بتحرزلو

بدا أقوى زابط ألماني
يداكشا بصدرا وهي رضيانة
لاقوا إن فيكن متلو تاني

إلاّ ما يزبط حكم الدولة
بو علي أعلن من هالطاولة
اسمالله حولا واسمالله حولي

ولك خبّر وبلّغ بيي وأمي
عاجبا وقالت هيك الحرمة
تجوزت، بيّا صفّى عمي

تلاتة مليون بتطلع كيلو
ما حدا بيطلع ع مقابيلو
قولوا للي بترقي ترقيلو

ما حدا بيقدر يقسم ميي
لا لتركيا، ولا لخيي
ما بقي ميي إلا شوية
عيشة صعبة وما بتلذلّو
بيي جندي وأمي بتخبزلو
كلا موتة وموتة بتحرزلو

ساحبا دغري وصوتي معلاّ
شاورت عقلي قلي يللا
عقلي ما بيحكيني حايللا

بيّ بيّو لبيي جندي
نايم وحامل كل العدة
عيشة أو موتة نفسا عندي

شعرا كان بدو شغلة مني
صدرا حسّو بيفتش عني
أنا قيس وهيي ليلى وبالجنة

بدا ضربة بتضربها ضربة
بدا حربة بتغزك حربة
دغري شي تشوفو فاضي عبّي

كلمة ما بتقدر تطلع منو
بيحكي بتفكر واقع سنّو
وأهلو بيضلّن عم بيعنّوا

ميلي بخصرك هزي وميلي
كلا تفرق ع ربع ميلي
عبقري أو إنو هبيلي

عيشة صعبة وما بتلذلّو
بيي جندي وأمي بتخبزلو
كلا موتة وموتة بتحرزلو

ميلي بخصرك هزي وميلي
كلا تفرق ع ربع ميلي
ولّعت أو شلنا الفتيلة

------------------------------------------
لزياد رحباني
من مسرحية "لولا فسحة الأملِ"
1994
------------------------------------------