فارس بك:     شُو هَالحَكِي؟ واحْدِه مِتْهَوّرَه

مرت القاضي: اسْكُت يا مْزَوِّر الإِنْتِخابَات

رجال:            نَعَم نَعَم. كِلّ عُمْرَك تْزَوِّر

القاضي:          حاجِه فَضايِح يا إخْوان

أبو درع:         رُوح ضُبّ مَرْتَك

(جلبة أصوات)

رعد المجنونُ:  فِلْتِت الدَّوْلِه عَ النّاس. فِلْتِت الدَّوْلِه عَ الناس

لولو:       خَلَصِت الحَفْلِه. خِدْنِي لَعنْدَك يا جِدِّي. المجنون إلو حَقّ يْحاكِم العَالَم. الطيّارات رْمادِيِّه مِتْل التِرْغَلّ. إِنْفِجار القَنابِل فِضِّي بْلَوْن الشَّمْس. ناسِ بِالخَنادِق. ناس بِالبَارَات. العَدَالِه كَرْتُون. الحرِّيِّه كِذْبِه. صار الحَبْس كْبِيْر. وكِلّ حكْم بِالأَرْض بَاطِل. حَلُّو يطْلَع الضَوّ. كاسَك يا جِدِّي.

الكل:       أَهْلا وْسَهْلا نَوَّرت الدار     والشَّمْع الأَحْمَر يِضْحَك للنار

               يا لَيْل وطار                    يا حِلْم وْطار

      E VIVA   E VIVA  E VIVA  E VIVA

الأخوين رحباني

(مسرحية لولو)