كما ذكرت فى المقاله الماضيه أنه تم بالفعل الحصول على مكان مناسب فى الحى العاشر وبالتحديد بجوار محطة الرويمان بلاتز (Reumannplatz, 10. Bezirk)على اوبان واحد ليكون مكان تجمع لشباب الجاليه ويكون تحت اشرافهم وتخطيطهم بدماغهم العاليه
وبوجود المكان اتقدمنا خطوه للأمام
والخطوه الجايه هى كيفية تأسيس المكان
وطبعا ده محتاج عقد اجتماع على مستوى الشباب
ونسمع راى الصبيان والبنات علشان يكون الشئ من بداية الباب
الشباب بيقول كلام جميل وتنفيذه ليس بمستحيل
الشباب بيقول أنا نفسي أتجوز واتهنى ... وأحب وأعيش
والناس كلها تيجي يوم فرحي ... ويقولو فى النمسا عريس
أنا نفسى أتجوز بعروسه ... والحب يكون بيينا ونيس
وأتزف فى توك توك زى القذافى ... وعليه فوانيس
لكن أمتى يكون ... وفين؟ تشوف العروسه العريس
وأحنا يادوب لأهالينا فى البيوت قاعدين مجرد عتريس
أنا نفسى أتجوز .... وأخرج بعروستى أرقص وأهيص
أنا حاسس أنى فى الغربه وحدانى وينقصنى ونيس
ده كلام على لسان كل شاب وفتاه من أبناء الجاليه المتاعيس
أجيال كبرت فيهم العروسه والعريس شباب تفكيرهم غير العواجيز
طلبت أعرف فكرهم وكلامهم وأيه هو حلمهم وأملهم
عن المكان الذى يجمعهم وأعرف منهم قبل التأسيس
وكان الكلام كالتالى بدون مجامله وبدون طرابيش
تعالو نسمع تعالو نفهم وبلاش تهجيص
يجب دعوة الشباب والبنات بدعوات شخصيه
وأن توظف لهذا الأمر بعض السيدات للأتصال بالبنات
أما الأولاد فيجب أن يتصل بهم شخص يكون قدوه ليهم
فى الأخلاق والنجاح والعمل ويكون عارف همهم
ويتجمعو كلهم فى مكان ويحلمو بصوت عالى وللقبعه نرفعلهم
ويكون الكلام والحوار بيين الشباب والبنات ويكون من عقلهم
عن أحلامهم فى المكان الذى يريدوه وماهو المطلوب يكون فيه
لأن ماوصلنى حتى الأن محتاج مناقشه محتاج لبيان وتوضيح
البعض قال مطلوب مكان يكون للجلوس وللحفلات وللدروس
الجلوس مقصود بيه مكان بدل المقاهى والديسكو والسرحان
والحفلات سواء أفراح او حتى أعياد ميلاد او كل المناسبات
والدروس مقصود بيها مكان يتجمعو فيه للمذاكره والشرح
فمن يجد نفسه ضعيف فى ماده سيجد ايضا من هو شارح للماده
ويساعدو بعضهم البعض ويكون مكان للنجاح يضمهم
مطلوب مكتبه فى المكان ومعاها مجرد اعلان
وهيتملى بالكتب من كل بيت وزنجه ومكان
فمن منا لا يوجد بمنزله كام كتاب له وللأبناء؟
مطلوب كومبيوتر وتربيزة بينج بونج وبلياردو كمان
مطلوب ماكينة عرض لأفلام علميه وأشياء ليها شئ من ألأهميه
مطلوب بوفيه تكون سيده مشرفه عليه
هذا هو أهم ماوصلنى من أقتراحات من الشباب والبنات
وأرى أن أهم أقتراح هو الدعوه الخاصه ليهم ويكون الكلام أمام عنيهم وافكارهم تتناقش ويكون الكل سامع لكل أمانيهم
أكيد فيه أفكار تانيه كتير أفضل نسمعها قبل الكلام مايطير
العطلات الرسميه وألأجازات يجب ان تستغل فى اقامة المناسبات
وتكون الدعوه على النت والشات وبالأتصالات
علشان يكوم أمام الجميع من خارج وداخل فيينا فرصه للوصول لقضاء يوم مفتوح بعقول وقلوب وحب يملأ القلوب
أننى بدأت أرى الشمس تشرق على الشباب. وبداية دخولها الباب
أننى اثق فى هذا الجيل بأنه جيل العلم والتنوير
المهم نعطيهم فرصتهم وسوف نرى خير سفير
لازم نتحرك ونساعد لازم الكل يشارك من بعيد ونسيب لهم التنجيد
ومن لايستطيع فعليه ولو من بعيد التشجيع
أما من تعودو على تحطيم اى شئ جديد بكلام لا يودى ولا يجيب
عليهم الصمت أو الجلوس فى بيوتهم وترك الشموع تأيد
فكما يوجد ناس بتبنى للغير يوجد ايضا ناس مهمتها هدم الدير
على كل منا ان يساعد ولو بكلمه طيبه أو مشوره قريبه
وبلاش شغل القاعده جنب الزير وكسر المواسيروتجفيف البير

أخوكم / محمد كمال أبو كريم
بيشجع اللعبه الحلوه وعمره مكان شرير
069918100834
Momomomo48@hotmail.com