أتذكرون هذه الأشياء؟

عندما يمشط لك المصور شعرك ,بمشط مليء بشعر من سبقك

و.. تيلفون أبوقرص اللي يهلك أصابيعك وانت تتصل ويا ويلك يطلع الرقم مشغول
ويوم كنا نربط الشرشف على رقابنا مثل سوبرمان

و.. بوظة الثلج الصفراء التي كانت تسبب ألما شديدا في أعلى العينين.

و.. السفرة ومفرش الطاولة اللي عليه صورة ( ‏فواكه) ‏وريحتو مثل ريحة المطبخ وقاعد على كراسي القش اللي لما تقوم تلاقي سيقانك عليها شخوط ومربعات.

و.. أيام الدراسة لما نشد حيلنا بالدراسة ونشتري قلم فسفوري أصفر أو برتقالي مشان نظلل على الشي المهم وآخر شي نظلل على كل الكتاب؟!


و.. لما تتقاتل مع ولد الجيران وتقول له: انقلع عن عن رصيفنا

يقول لك: مو رصيفكن هادا رصيف الحكومة

..علب الراحة اللي عليها صورة سميرة توفيق

والمرايا اللي عليها صورة نجلاء فتحي

والمحايات المعطرة ومحاولة تذوقها

النعومة والهيلاطية والسمسمية

وطابات الطقطاق اللي ياما ضربت أيادينا في محاولات التعلم

مسدس الفلين
و.. لما يروحوا الأولاد السوق مع أبوهن أو أمهن مشان يشتروا تياب للعيد .. بيطلعوا متل بعض بس غير ألوان .

و.. لما الشباب بدهن يعملو عضلات يرحوا يترسو علب النيدو باطون ويحطون بينهن عمود حديد

وأم عمار ببرنامج ما يطلبه الجمهور

وعصمت رشيد يغني بين الشوطين

وصوت عدنان بوظو...(لاه يا سعد)

ووجيه الشويكي :(باقي سلاس اصابع)

وعازف المجوز محمود عجروش مرافق سمير يزبك

وعازف الدربكة في فرقة سميرة توفيق

والعضو الاصلع في فرقة الردادة السورية

وعازف الكونترباص السوري ابو النضارات

وأمين الخياط (علييهم)

والوردة التي كانت تطلع لما يصير عطل فني بالتلفزيون؟

ناس ولوا...وزمان  ولى