بعد تمادي الحصار المفروض (طبعا) على غزة ..لن نقف مكتوفي الأيدي.
هاذا مين بلا زغرة ؟
ولو, هاذا الناطق باسم الفصائل والبتلات المناهضة ..معروف.
بعد خطة الإستيطان في القدس , وتأميم الحرم الإبراهيمي ..لن نقف مكتوفي الأيدي .
وهاذا مين ..بلا زغرة كمان؟
هاذا الناطق الرسمي , يعني أكتر "ناطق" رسمي بيهالخصوص.
بعد إقامة الجدار , وجدار خلف الجدار .. لن نقف مكتوفي الأيدي .
هذول جماعة ما شالله ..
إي طبعا , بعلمك الله مع "الجماعة" ..
بعد أن طنشت إسرائيل العرب ومبادراتهم وكلامهم الحلو الناعم ولم يبد عنها أدنى التفاتة , عمرو موسى لن يقف مكتوف الأيدي .
عمرو موسى ..يا شيخ ..لأ إذا عمرو موسى لن يقف مكتوف الايدي ..شي عظيم ..

شايف يا شكري ..هالأمة شو عظيمة ..عظيمة كتير ..لن تقف مكتوفة الأيدي أبدا.
بتعرف يا جار شو السبب؟
شكري :عالمظبوط لأ ,بس الله العليم ..هذولا مكتفين من كل الأطرف ما تركوا لهم إلا الأيدي ..وبعلمك يا جار ليش العرب بيستعملوا الأيدي !!