غربة: فـــاتـِك .. أنـا جـِـيــْــت!

يطلُّ فاتك من الأعلى محاطاً بالحراس ومعه ديبو فيسألها باستهتار(وَحـْــــــــــــــــدِكْ ؟!)

غربة : وَحـْــــــــــــــــدِي ..

فـاتك: بـَـلـْكي حـْبـَسـْـتـِِكْ ؟!

غربة: هـِـنـِّـِي فــالــْـتـيـــــن

فـاتك: بـَـلـْكي قــْـتـَلـْـتـِِـكْ ؟!

غربة: هـِـنـِّـِي عــايْْـشيـــــن

فـاتك: غـِرْبِة .. كـانـُو عايـْشين قـَبـِل ما جيتي ..

عم يــاكلـُو وْيـِـشـْرَبـُو وْيـِمـْشـُـو ويـْشـُوفو .. لـَيـْش رْجـِعـْتي؟

غربة: نـَــدَهـُــــــــــــــولــي

فـاتك: تـَ تــْـقـَـدّمــِيـْهـُــن للـْمـَـــوت ؟!

غربة: حــــــــــابـِّـيــْـــن يــْـمـُـوتـُـــــو

فـاتك: اتـْرِكـِيـُن وْروحـي .. بـِعـْرُض عـْلـَيـْكـي تـْروحـي،

وْلا تجـْعـَـلِيـُــن خـِـبـْـز الأرض

وْيــِرْجـَع شـَجـَـرْكـُن يـْزَهـِّر الطـَّرْحـــات السـُّــــود

غربة: فـَـتـَـحـُـو شـْـبابـِـيـْـكـُـــــن .. شـَمـْسـُــــن ما عـــادِت تــْـغـيــب

أنــا بـِـعـْرُض عـْـلـَـيـْـك تـْروح

فـاتك: أنـا جـِـيـت مش تـَ روح .. والأرْض أنـا ويـَّــاهـُن سايـْعِتـْنـــــا

غربة: وْ لـَـيـْـش قـَـتـَـلـْـت مِدْلـِـــــــج؟

فـاتك: لـَمـَّا بيـْكـُونو تـْنـَيـْن قـْوايا، مَصيرُن يـِتـْصارَعـُو ..

أنـا لـَمـَّا جـيـْت بَيـِّـك وِقِـف بـِوِجـِّي وِتـْـقـاتـَـلـْـنـــــا

لـَـو ما إقـِتـْـلـُو كـان قــَـتـَلــْـنـــي .. هـَيـْـك صــــــار

وْهـَلـَّـق أنا هـَوْن .. لـَيـْش إنتي رْجـِعـْتي تـْشـَعـّـلـِيا؟

غربة: بـَـيـِّـي وِقـِـف بـِـوِجـَّـك لأن الأرض كـانـت أمــــــانـِة بـِعـِنـْقـو

لـَـمـَّا سـَقـَط أنـا اسـْتـَلـَمـْت الأمانـِة

فـاتك: بـَــسّ الأرض مـِـلـْـــك الـْكـِــــــلّ!

غربة: الأرض مـِـلـْك الـْكـِلّ، لـَكـِن ما بتـْساع النـَّاس والظـِّلـْم !

لـَـمـَّـا بـْـيـوقــَع الظـِّــلـْـم بـِـتـْـضيـق الأرض

فـاتك: عـَم تـِحـْكـي أكتـَر مـا لازِم تحـْكي

فـاتك غاضباً: ياهالبنت المغرورة بـِعـْطيكي فِرْصِة يـَوْم ..

يا بـْتِرْحـَلي يا مـَّا أنـا بـْشـَعـِّلا وْبـِقـِتـْلـِك إنتِ آخـِر سـْليلـة مدلج

وِبـْـتـِخـْلـَص هالقـِصـَّـة

غربة: شـُو بـَدَّك تـِقـْـتـُـل تـَ تـِقـْـتـُـل .. مـا بـَقى رَح تـِخـْلــَص الـْقـِصـَّة

ورا كـِـلّ صـَخـْرَة .. تحت كـــِلّ شـَجـْرَة .. بـْـفـَيـِّـة كــِلّ بـَيـــت

عـَم يـِـخـْلـَق وَلـَد لـَ مِدْلـِج

فـاتك يصرخ: ديبـُو حـَضـِّر حـالـَك .. اجـْمـَع الـْـعـَـسـْكــَر، رَكـِّـزُن عَ العــالي

رِجـِعـْـلـي رَنين الـْحـَرْب ..

لازِم نـِسـْـحـَـقــُن .. عَ آخـِـــــــــرْ واحـِد نـِسـْـحـَـقــُن

وْنـِمـْحي كلّ أثـَر لمدلـِج .. ومـا نـْـخـَلـِّي مين يـْخـَـبـِّر

وْخـَـلـِّي دَمـُّن يـِصـْبـَغ شـَـلاّلاتــُن ..

سـَمـِّعـْني هـَدير الـْمـَوت

وابكي ياريــح عَ أهـل جبال الصـوان

من مسرحية جبال الصوان 1969

الأخوين رحباني