B
1 - شفت امك منرفزة اليوم عابكرا شو بها؟
2 - يا اخي الها حق تنرفز كل الناس عم تطالب بالعفو عن سمير جعجع وما حدا عم يجيب سيرة بيي.
1 - ليه وين بيك؟
2 - بالحبس صارلو ثلاث سنين
1 - بخصوص شو؟
2 - يا اخي شغلة بسيطة. كل الناس بتعرف انو بيي انسان نرفوز ومنشاف بالضيعة تهمتو بعض الجهات انو مهرّب حشيشة، واذ هوني يوم بيطوق رجال الامن بيتنا، وبيي لانو نرفوز بيقوم وبيقوص من الشباك دفاعاً عن النفس وكرامتو بالضيعة وبيقتلن.
1 - لكن
2 - لأ. بقي يلي عمرو طويل والاعمار متل ما بتعرف بيد الله مش بيد بيي ميشان هيك عم فكر هاجر انا وامي لان هيدي بلد ما بقى ينعاش فيها، بلد ظلم للمواطنين الشرفاء، وهلق ناطر الفيزا تافلّ.
1 - انتبه اوعا تنسى امك هون.
2 - امي رح تنطر بيي ويلحقوني تنيناتن. امي مرا مخلصة لبيي.
1 - امك!
C
1 - شو عملتو بلندن؟
2 - يا اخي شو بتريدنا نعمل، عالم كلو متآمر عا امتنا.
1 - بتقتلوهم؟
2 - شو بدك نقتل الملكة اليزابيت. نحنا مندفع ابريا خلين يدفعوا ابريا كمان.
1 - والـ 35 ولد بالعراق هودي ضد امتنا
2 - اذا مش هني بيّن، امّن
1 - أمك...!
D
1 - بيك كم مطالب بشنطة؟
2 - حسب كم في شنطة، اذا الوزارة 30 شنطة ابوي بدو 8 شنطات واذا الوزارة 8 شنطات بردو بدو 8 شنطات، عامل حساب الو وللقضية ولخالتي.
1 - وامك؟
E
1 - شو بين راكب عاحمار؟
2 - يا زلمي شو بعمل وين ما بجي وقف سيارتي بيهجم عليّ سكان الحي.
1 - حيكن؟
2 - بحيلا حيّ. هاك اليوم رايح جيب دوا من فرمشية ما حدا بالحي سمحلي وقف بعدين يا اخي الحمار اوفر من السيارة واضمن النا كمان، اذا شي ارهابي جرب يزمطلو ديناميت بيلبطو بيضلو مخلص النا اكتر من السيارة.. بعدين ما تنسى المصروف والتصليح والميكانيك.
1 - معك حق، بس لمن بتكون راكبو الناس عم بتعرف. ايا هو الحمار وايا هو انت؟
2 - طبعاً انا وراكب عليّ بضلني غني: راجع راجع يتعمر راجع لبنان.
1 - برافو عليك هيك بيعرفو الناس مين انت وبيعرفوك وطني كبير. بس قللي: راجع؟
2 - مين؟ بيي؟
1 - لأ، لبنان