من طرائف شعراء الزجل قي لبنان

إميل لحود
عَلّق نَضْوِه بْباب دارو              بـــــــــلكِه بِْيبْيَضّ نْهارو
بْعِلْمَك كان معو قرشَين          لََمّا عَلَّقْهــــــا... طـــــارو

بولس سلامة
مرَّه خَطَــر للشّيطــان            يَعمل بَرْمِه بِلبــــــــــنان
لِبِس كَبّوت وفســــطان         صار إسمو مدام كسبــان

علي الحاج
لْبِسْتي طقْم فرنجي؟عال         انْ شالله وْلا عَين تْصِيبو
بْهالطقْم عْمِلتي رجـّــال           الباقي مْنَيْن بدْنا نجيبــو؟

أسعد سابا
واوي... وآكِل ترنيــخَه         مْرَنَّش ومْقَفْقَف عَ وْجَاق
مُخُّو... متل البـــطيخَه         القَرعَة مـــا بــــدّا حلاّق

أبو ملحم
أَمْســــاني تْكَلًّل بهلول         عَ فلانة بــــنْت فْلَيْـــتان
مَسطُوِله لاقِت مسطُول        ان شــــالله تِتهَّنا يا فْـــلان

يوسف شرابيه

تِهْمْوك بْسَبْع ملايــــين؟؟      هيدا كُفُر وقــــــلِّة دِيــــــن
مَليون بتسرق؟مكــفُول        لكِــــــنْ سبعـــــــه؟كــــــــذّابيـــن

عمر الزعني
ما حـــدا بْيَعمل إحسَان          غير للجـــاه وللإعـــــــلان
انْ قدَّم خدمــــه خفيفه          بيكـــــــــون طمعان بنيشان

الخوري يوسف عون
ختيار.... وواقِف صُورَه          شو في رايــــــح عَ الكورَة؟
فْلَحْتا فْلاحَه إنْتَ وشَبّ         ضْروري ع النيــرِه تْزُورا؟

أبو طارق
السِّتّ اللي لَحْماتا خفاف        وما عنــــدا صَدْر وأَرداف
فَرشِه مِن دون مـــــخدِّه          ومِن دُون شْراشْف ولحاف

طانيوس الحملاوي
بْتِتْمـَـرْجل يـــا أطْلنتيك          والحِملاوي مْســــــافِر فيك؟
انْ الله لَقَّطْــــــــني بِالبَرّ        ونْقـــَـرْتْ الدَّفّ بْفـــَـرجِيك!