شكري :فعلا يا أخي لا يفلّ الحديد إلا الحديد .
عن أي حديد تتكلم ؟
الحديد ..فيه حديد غيره !
فيك تشرحلي كيف ؟
يعني الحديد ما فيه شي بيفلّو غير الحديد
شو شايفني موزامبيقي , فهمت بس فهّمني كيف بتصير ؟
يعني لحتى تقهر شي لازم تجيب شي من مستواه ضده حتى تنجح ..واضحة.
كيف واضحة .. إذا جبت من مستواه فيك تخبرني مين اللي راح (يفلّ) التاني , بيجوز (الفلّة ) تطلع براسك يا بطل.
إي كيف لكان ؟
يعني لازم تجيب بولاد , حديد مقسّى, مكربن ..يعني شي أقسى من الحديد حتى يمشي حالك .
يعني هاذا اللي جرّبها وظبطت معه وفل الحديد بالحديد ..شو كان عم يكذب علينا .
يعني شو نيته , ما بعرف .
وهلا شو يعني ؟
يعني : لا يفل الحديد إلا شي من مستوى البولاد وبالطالع .